هەلبەست
ئەز یێ ژ هەناسێ
چک
چما نەهاتی؟
فریشته‌یه‌ك ب
ساخله‌تێن ده‌نگڤه‌دانا پێلان
زێره‌ڤانیێ ژ كه‌شتیێن
دووریێ دكه‌ت،
هاڤیبوونا رۆژئاڤایێ
هانده‌را ژینێ یە.
ب ده‌ستماڵا خۆ یا
رۆژهەڵاتی،
ب نازكییا عەشقێ
سه‌مایەک رۆژئاڤایی دكەت..
نه له‌شفرۆشه و نه لێبۆك.
٤
وەرە..
دا کۆدێن ڤی سەردەمی
بگوھوڕین،
زیوانی ژ بێدەرا
رۆژئاڤا ڤاڤێر بکەین.
٥
دو رێڤینگ دشەواتا
ھێڤییاندانە
رێ یا درێژە و
سەقا یێ د کەلا تەحرێ دا
٦
ئێرۆ ئێڤارێ دێ
بینم
ئەم دشەواتا ھێڤییاندا
دو رێڤینگین
رێ یا درێژە
من ل ستێرا نێڕی،
تۆ ھاتی بیرا
من،
ھوین ھەردو چەند ددویرن
٨
خۆ ب رزگارکەر
دانیاسین،
د کەڤلێ گورگی
دا،
گۆشتێ وێ ھەرماند.
٩
ب سەد ئاگران من
بسۆژن،
ژ بێگونەھییا وێ،
پاکانە نابم.
ھەتا نھا،
دەنگێ وێ دھێتە
گوھێن من،
د چاڤێن وێ
دا من حەز ژ ژیانێ کر.
ئاخینکێن کەزەبا
من،
ھزرێن ڤی سەرێ فیرھایی،
ب گرنژینا وێ سارێژ دبن.
شەڤ چەند یا تاری
بیت،
خۆ ل بەر تیرۆژکێن
ئەلندێ ناگریت،
لێ ئەز حەز شەڤێ دکەم.
١٣
ئەگەر رەنگڤەدانا
دێمێ تە نەبیت،
ھەیڤ ل ئەسمانی،
سێلەکا رەشە.
١٤
مەشکا خۆ بەری سەرێ
خۆ
ب مەیێ دھژاند،
شەملک ھەلگرت و چوو
عومرێ!
١٥
دلۆپەکا خۆناڤێ،
نە خواست ژ بەلگێ
بکەڤیت،
داببیتە مەی بۆ بلبلەکی.
١٦
گەر ڤێجارێ ھاتی،
لەزێ نەکە،
مەی ھندی بمینیت خۆشترە.
ئەو گولەکا سل
بوو،
ژ بۆ بێھنکرنا وێ ..
بوومە گلگامێش.
١٨
ئەز یێ ھاتنێ
بوو،
لێ دەم و موی یێن
سپی،
ڕێگر بوون!
١٩
تو چووی،
دارستانێن خەمان،
د ناخێ من
دا شین بوون.
٢٠
تو پێتا ئاگری،
ئەز پەلاتینگ،
ما چییە ئەگەر خۆ ل
تە وەرکەم!
تعليقات
إرسال تعليق